Sacra Congregatio Consistorialis

ACHERUNTINAE ET MATERANENSIS
De finium dioecesium commutatìone
DECRETUM
Excmus P. D. Augustus Bertazzoni, Episcopus Potentinus et Marsiciensis atque Administrator Apostolicus archidioecesium Acheruntinae er Materanensis, nuper Apostolicae Sedi preces sibi ab iis quorum interest oblatas humiliter porrexit, ut territorium paroeciarum “Bernalda, Ferrandina, Ginosa, Grottole, Laterza, Metaponto, Miglionico, Montescaglioso, Pisticci, et Pomarico” ad Archidioecesim Acheruntinam pertinens, ob magnam distantiam ab Urbe cathedrali “Acerenza” ab ipsa archidoecesi seiungeretur et archidioecesi Materanensi aggregaretur. Porro SS.mus Dominus Noster PIUS Div. Prov. P. P. XII, petitionis opportunitate perpensa, attentis votis et consensu praefatarum paroeciarum parochorum, apostolicae potestatis plenitudine atque suppleto quatenus opus sit, aliorum interesse habentium aut habere praesumentium consensu, postulationi benigne annuendum censuit. Quapropter per praesens consistoriale Decretum statuit ut territorium memoratarum paroeciarum ab Archidioecesi Acheruntina dismembretur et Archidioecesi Materanensi perpetuo incorporetur. Ad haec omnia autem exequenda Sanctitas Sua deputavit Excmum P. D. AUGUSTUM BERTAZZONI, Administratorem Apostolicum Acheruntinum et Materanensem, eidem tribuens necessarias et opportunas facultates etiam subdelegandi ad effectum de quo agitur quemlibet virum in ecclesiastica dignitate constitutum; facta eidem obligatione mittendi quamprimum ad hanc S. C. Consistorialem authenticum exemplar actus peractae executionis, contrariis quibusvis non obstantibus.
Datum Romae, ex Aedibus Sacrae Congregationis Consistorialis, die 11 Augusti 1945.

L.S.
Subsign.: p. R. C. Card. Rossi
A secretis
I. Ferretto, Subst.

• Diocesi
• Vescovo
• Annuario Diocesano
• Documenti
• Link